【娛網】伍允龍認與鍾嘉欣發展地下情受傷害

香港文匯報訊（記者 梁靜儀）伍允龍與安志杰近日亮相無綫節目《諸朋好友》，伍允龍罕有地談及過去其中一段情，雖然沒有開名，但令人聯想到女主角就是曾與他傳過緋聞的鍾嘉欣，二人發展地下情8年，惜最後都未能開花結果。

伍允龍說：「當年我成日畀人叫某某男友、奀星、茄喱啡，其實嗰時我已拍咗好多部電影，亦都好努力去做，我唔係投訴，但會覺得點解焦點要放喺我同邊個拍拖上。」崔建邦問他為何不放棄那段感情？伍允龍說：「冇呀，對方工作上嘅問題，係要將我收埋少少，我明白嘅，（你覺得電視台畀咗壓力你哋？）佢嗰方面我相信係有啲壓力，我明白嘅，因為當時佢好紅，我係Nobody，冇關係，我明白，不過我覺得這件事做得過分咗，個傷害喺我度。」 他又稱平日不會講這些，這次是第一次提起，不諱言當年是有點不滿及不開心。