香港文匯報訊（記者 梁靜儀）鄭裕玲、陳敏之、馮盈盈及邵初等，前晚在將軍澳電視城拍攝《識貨2》節目，適逢是敏之的43歲生日，工作人員送上蛋糕兼唱生日歌為她慶祝。
馮盈盈表示近日亦有進軍NFT（非同質化代幣）市場，主要是藝術品及水晶手鏈，她說：「我啲貨有平有貴，平到幾千蚊都有，今次上來學吓直銷技巧。」她又透露剛完成中醫食療課程，增值自己，發覺對做直播也有用。
說到她久未有拍劇，盈盈表示要等公司安排。敏之就追問她有沒有拍拖？她謂拍拖要等緣分。問到可會找Bob介紹筍盤？盈盈笑說：「會叫Bob介紹好筍嘅盆菜，（是否已有拖拍，收埋男友在家中？）最近收埋自己喺屋企讀書，覺得要自己叻，先可以搵到個叻人。」敏之就笑指男人唔鍾意太叻的女仔。
應屆港姐季軍邵初早前於節目中，因誤解了遊戲規則而犯規，事後更自責爆喊，邵初說：「我唔知道唔可以咁樣揀貨，呢個係我選港姐後第一個騷，雖然作為新人，都希望盡力做好啲，擔心自己做錯令大家要重拍，麻煩到大家，好在個個都好體諒，最終都冇事。」對於自己在節目中的表現，邵初表示朋友指她做綜藝好搞笑，但她自覺仍有進步空間：「口才還可以，但未夠好，畀自己80分。（想向綜藝方面發展？）劇集我就未試過，有機會都想試吓！」
評論