香港文匯報訊（記者 梁靜儀）應屆港姐冠亞季軍宋宛穎、梁凱晴、邵初及最上鏡小姐楊培琳，昨日聯同鄭俊弘及伍富橋一起到將軍澳一間小學出席《愛心曲奇暖萬家》宣傳活動，並與大班小學生一起玩遊戲及大派禮物。
宋宛穎日前在TVB台慶首次擔任司儀，事後被讚表現淡定，她半信半疑反問：「真係㗎 ？我未睇大家評論，都想知大家點睇，原來有咁多好聲音，好開心。（再挑戰做大騷司儀 ？）好呀，想吸取多啲經驗做好啲。」雖然當晚拍住汪明荃、鄭裕玲等前輩做司儀，宋宛穎卻沒有太緊張：「因為有綵排，大家熟絡咗就唔係太緊張，佢哋好照顧我，係我學習對象，要向佢哋偷師學口才。」
說到她當晚的粉紅色燈籠袖裙，跟其他司儀一起並排時，似有阻人之嫌？宋宛穎一臉尷尬稱是公司的安排，但粉紅色有喜慶感覺。身旁的邵初就幫口解圍，讚服裝有霸氣。
邵初在台慶當晚獲得1萬元利是，問到幾位港姐可有要求她請食飯？邵初笑說：「有呀！好多人叫我請食飯，但一人請一粒魚蛋也未必夠，不過我仲未領獎。」
梁凱晴與楊培琳異口同聲表示有機會也想像宋宛穎般可以嘗試擔任司儀工作，楊培琳又說：「不過自己有不足之處，面對多人時唔夠膽講嘢，真係要跟前輩學習吸收一下，（找三位港姐一起練習？）講多啲會自然啲。」
評論