香港文匯報訊（記者 李思穎）苟芸慧早前由加拿大返港在酒店接受強制隔離期間發生意外撞傷額頭，現時康復進展良好。日前她開工為代言的地產按揭公司拍攝新一輯廣告，以兩個造型上陣的她狀態大勇，額上未有明顯傷痕，拍攝時還跟工作人員有講有笑，表現親民，似乎亦未有受早前「婚變」傳聞影響心情。
今次苟姑娘在廣告中飾演「藝人」角色，她笑言是「做返自己」：「好開心，可以做返自己，在兩個造型裏，一個斯文、一個華麗，現場睇到好多靚衫靚鞋，好似Shopping咁，睇見都開心。」
其實廣告拍攝原本是苟姑娘強制隔離完後緊接開工，後來因她意外受傷要延期，她稱：「今次廣告拍攝，應該係隔離後第一個工作，無奈之前我發生咗啲意外、整傷咗自己，好彩廣告客戶同拍攝團隊都好好，願意等我一個月時間，令我可以好好康復再投入工作。」
說到康復情況，她表示已好得七七八八，化妝後絕對可以掩蓋傷口疤痕，沒有影響上鏡的靚樣，但她透露近排頻頻發生意外，令她行事要分外小心：「呢排真係好『精彩』，先在隔離期間撞傷、隔離完又發生意外，就連這次拍廣告都有發生個小意外，就係拍攝時，塊道具鏡突然跌下來，好彩只係撞到我少少。」
講到廣告主題地產按揭，向來對投資甚有心得的她說：「喺加拿大都有投資，嚟緊都有機會喺香港長住，所以都打算喺香港買樓投資，不過要搜集多啲意見先。」
評論