● 馬天佑要為6位女星帶出內心最希望呈現的一面給觀眾欣賞。

香港文匯報訊 馬天佑（Mayao）將於今年11月5日於麥花臣場館舉行人生首個演唱會，今次演唱會Mayao邀請了6位星媽陳慧珊、關心妍、何嘉莉、張新悅、趙頌茹及谷祖琳參與演出，對於80、90後聽廣東歌的樂迷來說，絕對不會感到陌生。

有別於一般演唱會，Mayao不單止於形象及舞台設計上花盡心思，更為6位女星帶出內心最希望呈現的一面給觀眾欣賞。Mayao︰「今次Show名意思係指我會用自己嘅方法，去『Invent』（發現）呢6位女星嘅可能性。同埋，我亦希望可以藉此機會去『Reinvent』（再發現）自己，令自己可以跳出Comfort Zone去做一啲未做過，但又好想去做嘅事。」

問到邀請這6位女星的原因，全因為Mayao是她們的「小Fans」。Mayao︰「佢哋嘅歌喺我成長路上有好大嘅影響，而佢哋所有嘅歌我都聽到滾瓜爛熟。除此之外，我喺佢哋身上見到有好多可能性，所以希望喺呢個演唱會上面幫佢哋突破到另一個層次，畀從未見過嘅一面大家睇。今次係我第一次舉行演唱會，家仲有好多嘢努力籌備中，希望大家到時都可以入場見證我嘅第一次。」

為了讓觀眾更了解6位女星的內心世界，Mayao拍攝了一個全新真人Show節目，希望讓觀眾更加了解她們真誠的一面，以另一角度進入她們的內心世界。