香港文匯報訊（記者 梁靜儀）薛家燕（家燕姐）為新城電台主持的《香港電影資料館20年—光影夢工場》訪問特輯，昨日請來曾江、雪妮、王菀之及導演谷德昭接受訪問。
曾江與雪妮當年於粵語片時代曾拍過不少武俠片，談到拍戲往事，雪妮說︰「我做基本演員時拍咗25部戲，之後出來一年又拍咗25部戲。」曾江笑指不算多了，他一年拍的武俠片量跟雪妮差不多，還未計與蕭芳芳、陳寶珠合演的時裝片。
家燕姐指他們當年很多時一日拍兩組戲，問到曾江豈不是沒時間休息？他說︰「喺片場瞌吓囉，冇得瞓唔緊要，但嗰時拍戲冇替身，全部親身上陣。」雪妮認為最辛苦是一場戲直落，還要記熟廿幾招式。曾江認同說：「一次過打十幾招頂唔順，初初唔識，最難係要同好多人夾好時間，一個做得唔好就要從頭拍過，初初拍時都有體力，但拍完廿個Take後就瞓咗喺度。」
家燕姐指以前的演員不識錫身，吊威吔或跳彈床都是親身上陣，曾江說︰「當時後生冇所謂，但上咗年紀就唔得，除咗堅叔（石堅），同佢對打我好驚，佢有功夫底子，我哋就冇底子，有時佢會加多一招半式，我招架唔住。」家燕姐亦指堅叔好堅：「佢用手拍我膊頭，我成個膊頭瘀咗。」雪妮就笑說︰「堅叔來賀我結婚，佢同我握手，結果整傷我隻手。」家燕姐又讚揚當年武術指導唐佳師父及劉家良師父對武俠電影有很大貢獻。
評論