香港文匯報訊（記者 梁靜儀）《2020東京奧運》今日隆重開幕，以國際游聯身份擔任東奧跳水項目裁判的前中國跳水運動員郭晶晶，亦已於昨日啟程前往東京，廿四孝老公霍啟剛親自送太太前往機場，但因還要趕送兒子返興趣班，未能送太太到閘口，只能隔條馬路遙望太太步入機場。

事後他在社交平台除了分享幾張晶晶在機場的相片外，又留言指近日要為太太四圍撲防疫用品：「今年奧運因為防疫安排，自己冇得去現場支持國家隊同埋港隊，但係就到太太要去做跳水裁判。呢兩日東奔西走，又要幫佢買電話卡，又要買足夠搓手液同消毒用品，本身想買埋面罩，但係行咗好多間舖頭都搵唔到。雖然不免會擔心，但係相信大家做好防疫措施同保持好社交距離，都可以平平安安的。」

因近日要東奔西走，啟剛自爆被人笑指是「司機阿霍」，不過他自稱是甘願做司機的。太太離港期間要做湊仔公的他，又留言叫晶晶放心，他會照顧好三個小朋友，並叫太太如掛住他們就video call。最後不忘祝她工作順利，及要將他們對國家隊及港隊的支持帶過去。