香港文匯報訊（記者 李思穎）楊盼盼主持的《盼你賞面》在最新一集邀得陳國坤擔任嘉賓，而盼盼姐為對方炮製紅燒肉，陳國坤自言首次品嚐對方廚藝，大讚廚藝了得，盼盼姐即時吩咐陳國坤稍後包裝好帶回家給太太黃伊汶及兒子陳真品嚐。
陳國坤席間大談對偶像李小龍的感受，雖然未見過李小龍真人，但因為一套《精武門》，自此對李小龍着迷。
入行多年以來，陳國坤演過四次李小龍角色，其中《李小龍傳奇》令他有最大體會，他表示：「拍攝七個月，好享受，演了李小龍一生，更加了解李小龍的其他細節，感覺就好似佢陪住我拍咁，對佢嘅了解都一日比一日熟。拍完《李小龍傳奇》有少少憐憫佢嘅感覺，發覺佢原來好無助、高處不勝寒。」而提到在《葉問3》、《葉問4》中所演的李小龍，陳國坤指：「《葉問4》係我所演過的李小龍角色中最滿意嘅一個，記得之前《葉問3》，拍完一場踢腳戲之後，行過聽到八爺（袁和平）講『小龍（陳國坤花名）啲腳都係差啲』，我聽到好大打擊，即刻同八爺講對唔住，話我會將腳練好。」
此外，節目中陳國坤又感謝周星馳，能夠參與《少林足球》、《功夫》令他知名度大增，他說：「簽咗八年，拍咗兩部電影，比好多人拍二三十部更有用，首先是得到人哋對自己嘅認知及認可，而且在拍攝過程中又吸收到好多嘢，兩套戲嘅角色都令觀眾有記憶。」
評論