香港文匯報訊（記者 梁靜儀）余香凝（Jennifer）、麥子樂以及Super Girls四位成員趙慧珊（Aka）、陳穎欣 （Yanny）、吳嘉熙 （Cheronna）和蔡明思 （ Jessica）早前獲香港電台邀請，為視障人士舉行的「聽出好戲勢」活動獻「聲」，於不同劇集中擔任口述影像員，用聲音將娛樂帶給一班視障人士。她們都感到好榮幸，同時亦是大考驗。
余香凝直言能為視障人士出力感到非常榮幸，為了擔任口述影像員，事前她特地到盲人輔導會學口述影像，首次接觸口述影像的她直言充滿難度︰「因為疫情關係只係去上一堂，當時去試點樣形容圖案，然後身邊朋友去畫返圖案出來，但係已經覺得好難。你要講得好清楚，在有限時間去講，考驗你嘅表達能力和分析能力，同埋你對圖案嘅理解能力。」
早前Jennifer更示範即場為劇集口述旁白，令她十分緊張，她說︰「我要描述返發生緊咩事，有時自己講講吓會講錯或者講錯咗個音，好彩係錄像。如果要現場講的話，我要練好多次，同埋會好緊張。所以我好尊敬及多謝口述影像員，佢哋係義工，用空餘時間去睇好多次同一套戲，用好多時間去寫段稿，再重複練習。」
控制情緒 緊守崗位
Yanny與Jessica及Cheronna更為口述影像與視障人士合作拍攝宣傳片，Yanny提到配旁白時被Jessica「分心」，她笑說︰「其中配音嗰套劇集係Jessica有份做，見到佢自己有少少興奮，但嗰段劇集情節係好緊張、好慘同好感動，所以好多時會走入呢個情緒，鼻都紅晒，就會提自己唔好呀，因為我要記住要繼續緊守呢個崗位，唔可以加太多自己情緒。」
Jessica自爆睇住自己演的劇集配旁白時都有少少分心：「我因為掛住睇自己套劇，唔小心畀咗感情去讀，或者錯過咗段旁白。」Aka與Cheronna對於能夠幫到視障人士外又學到新技能，感到非常開心，直言相當有意義。麥子樂就覺得今次是個好寶貴的經驗，希望可以多做些為視障人士帶來娛樂的工作。
此外，臨盆在即余香凝近日與老公浪漫Staycation，並上載照片到社交平台，穿上比堅尼的她露出巨肚，引起網民懷疑她佗雙胞胎。
評論