香港文匯報訊（記者 李思穎）由香港10間電影公司合資開拍的電影《總是有愛在隔離》，冀藉此在疫情下為電影基層人員作出支援，以解燃眉之急，演藝界不少藝人亦鼎力支持。該片其中兩位男主角張智霖（Chilam）及張繼聰，在戲中不惜犧牲色相、唱歌氹細路、浸足半日40度熱水、親身飛入車等等，為支持業界施展渾身解數「瞓身」演出！
兩人在戲中上演一幕「肉」帛相見搽蘆薈油的場面，Chilam直言：「幫人按摩都唔容易，特別阿聰啲肌肉咁厚……真係每個行業都有艱難嘅地方。」提到犧牲色相，也不及浸熱水浸足半日辛苦，阿聰謂：「我覺得我哋好似打邊爐個爐入面嘅雜菜，出晒煙！」Chilam表示同意：「我哋浸到暈暈哋，其實一班負責拍攝的劇組人員同我哋一齊浸，佢哋仲辛苦。」
不過最大挑戰是其中一幕要唱大熱兒歌《Baby Shark》氹細路，兩人異口同聲大呼有難度，阿聰笑言：「作為歌手唱開啲複雜嘅歌，要唱呢啲簡單嘅旋律係有難度；不過Chilam辛苦啲，冇乜點聽過呢隻歌，我聽呢隻歌已經聽咗過億次！但呢場戲其實我哋係襯托個小朋友，哈哈！」
評論