陳嘉桓擺檔有胞弟做生招牌

香港文匯報訊（記者 梁靜儀）陳嘉桓（Rose）、時裝達人David Tam日前為中環InSpireHub「聖誕市集」進行直播，期間Rose的弟弟Jaxton非常黐身，不時入鏡化身做小Model，場面溫馨。變身做老闆娘的Rose又擺檔為顧客進行「大腦皮紋分析」，經營副業搵錢的她說：「以前節日有假放會好開心，現在知道有呢個聖誕市集，一於試吓擺檔用副業搵錢。我主要客源係小朋友，加上有弟弟畀我練習，好知道點同小朋友溝通，將佢哋潛能發揮。」

年紀輕輕的Jaxton很懂得幫家姐宣傳，成為市集的生招牌，Rose說：「佢都有搵啲同學仔嚟幫襯，畀個機會佢自己賺啲聖誕禮物錢，現在佢哋冇學返，都要搵地方畀佢哋放電，加上我哋感情好好，成日都會帶佢出街玩，所以搞到人哋誤會係我個仔。」Rose笑指弟弟與顧客對答如流，表現成熟，之前她都試過孖弟弟做直播帶貨，最緊要弟弟玩得開心，至於弟弟是否入行就要問准媽咪。