香港文匯報訊（記者 梁靜儀）黎諾懿、戴祖儀、林盛斌、李家鼎及肥媽等昨日為《疫境廚神秋冬盛宴》錄影，諾懿透露邀請了100名素人參賽者參與，他們要炮製由星級師指定的菜式，而他亦會下廚：「我會煮4個餸，有蟹又有甜品，有個特別環節，我要3分鐘內煮8人餸，我煮咗葱爆蟶子，當日煮嘅時候啲火升到幾層樓高，我諗住個效果好睇啲，我比平時加多咗一殼油，所以個火超勁，但我又要扮冇嘢，其實好驚，驚燒到上面啲機器。」
戴祖儀最舒服在節目中無需下廚，只負責食，她笑說：「係為咗大家生命着想，我今輯學吓嘢先，下輯應該難逃一命。（你本身識唔識煮嘢食？）識淥餃子。」諾懿就說：「幸福嘅女人先可以咁，我太太都唔識煮嘢食。」
問到祖儀若另一半識下廚會否加分？她笑說：「識煮嘢食當然會加分，現在科技發達，叫外賣都得，經過今次呢個節目，我都學到好多。」
諾懿笑言今次拍節目最開心認識了名廚蕭秀香（三姐）和張錦祥，去他們的餐廳食飯不用排隊等位，食物都會好味些。
評論