【資料速遞】蘇保羅下季唔續牌
蘇保羅馬房從化副練徐君禮近日在沙田馬場現身，並陪住姚本輝出入馬房、機坪、烽火台等唔同角落，原來徐君禮下季將加盟姚廄並出任從化副練一職，相信都係為來季做準備工作。另一邊廂，蘇保羅早前有感兵力大減，已入紙解散從化倉口，該段時間亦指蘇保羅會解散馬房，但當時練者否認此事，不過相隔一陣子，據悉他因家庭理由而改變留港從練嘅心意，下季將返回紐西蘭。而昨日受薪董事兼牌照委員會秘書貝義理發出通告，話蘇保羅已通知馬會，他將放棄申請下季練馬師牌照。牌照委員會將於今月10日審議下季的所有牌照事宜。
