自揭曾被兒子打發走 千嬅見兒獨立勁開心
香港文匯報訊（記者 梁靜儀）楊千嬅昨日以大使身份到樂富出席《世界兒童日》活動，分享與12歲兒子Torres相處點滴，自爆曾被兒子打發走。
千嬅表示現在為人父母，最重要是多陪小朋友身邊，傾聽和與他們聊天：「因為個仔都有學業壓力，我會鼓勵佢，我哋乜都傾，我會問佢有冇識到朋友，叫佢可以約啲朋友返屋企食飯。」她指孩子已經開始步入青春期，有自己的圈子和行程表，又指雖然會參與兒子的學校活動，但會被打發離開：「不過我OK，我會尊重佢，因為當年我細個都係咁。（會唔會有啲傷心？）我又冇，可能我係水瓶座，愛自由，因為呢種相似嘅模式，令我同個仔可以好friend咁傾偈，都好開心見到佢獨立。」
她又透露兒子遺傳了她和老公的音樂天分，喜歡音樂，同一班同學夾band，負責唱主音：「不過佢最近開始變聲，有少少壓力。（阿仔有冇偶像？）唔知，但肯定唔係我，不過佢都鍾意我首《姊妹》，都有少少安慰。」
近日都忙於在內地開騷的千嬅，表示之後將會出碟慶祝入行30周年：「都有九年冇出實體碟，都想回饋畀啲粉絲，大家咁開心，就做啲紀念品出嚟。（明年會否多留港？）我成日都會返嚟，不過冇乜嘢做，今次返嚟去咗睇電影《破·地獄》，我好叻只係用咗七張紙巾，冇用晒成包。」
