視澳門騷為紅館個唱熱身版 林峯讚佘詩曼歌喉超出100分
香港文匯報訊（記者 梁靜儀）林峯日前在澳門開騷，前晚返港出席手錶活動。談到佘詩曼（阿佘）日前為林峯澳門騷驚喜站台，與林峯合唱《愛在記憶中找你》贏盡掌聲，林峯大讚好友阿佘的歌喉超出100分，他更指太太張馨月都有前往睇騷，都開玩笑指阿佘是他「女朋友」。
林峯前晚在活動上擺出多個有型甫士，但當傳媒要求他做出派心動作時，他卻笑得有點腼腆。
林峯表示過幾天便再到澳門繼續做個唱，他謂會視今次澳門個唱為明年紅館個唱的熱身，因為是以一個紅館騷架構的八成去做，是濃縮版。他不諱言都驚無新意會悶，因演唱會不能只站着唱歌，希望令觀眾睇到完整的騷。
對於第二場邀請到阿佘做嘉賓並合唱，他笑說：「兄弟姊妹無理由唔撐，之前聚會時叫佢哋mark定期，嚟玩吓無壓力，（但阿佘稱好大壓力？）我識佢咁多年，唔知上台唱歌對佢嚟講衝擊咁大，平時都有同阿佘唱K， 但唱K同上台唱又唔同，加上阿佘好少做嘉賓，對佢來說比較新鮮，佢要認真對待，我有追佢定咗歌未，差唔多到最後才定，不過好多謝佢。」
被妻笑阿佘是他「女朋友」
問給阿佘的歌喉多少分？林峯笑言：「超出100分，有邊個上到台唔緊張？我都緊張。」林峯指太太張馨月都有前往睇騷，都笑阿佘是他「女朋友」。至於女兒Luna因為要返學所以沒有捧場。問到女兒今個月4歲生日會如何慶祝？他透露會同女兒慶祝，但要保持神秘。
提到不少網民都期待「城寨四子」可在其澳門個唱上合唱？林峯大賣關子：「睇吓佢哋嚟唔嚟搞事啦！（老闆古天樂可會做嘉賓？）老闆好忙，留返明年紅館騷先。」
