馮允謙最想在錄音室話晒事
香港文匯報訊（記者 梁靜儀）唱作歌手馮允謙（Jay）將於下周一（18日）推出新碟《IN GOOD TIME》，日前在戲曲中心茶館舉行新碟分享會，並自爆創作時最愛話晒事。
當日的新碟分享會， 門票火速售罄。反應熱烈。Jay並邀請了新碟創作團隊的T-Ma（馬敬恆）、陳考威和周錫漢，一起上台分享創作過程。當主持人問到陳考威和T-Ma，如何與Jay做歌時夾到好氣氛，順利完成？Jay突然自爆：「聽晒我話，咁我就easy going（好易話為）！」兩位嘉賓立即點頭，平時順得人的Jay，原來在錄音室霸氣急升，反差萌引起全場笑聲。
Jay在分享會上演唱碟內全部歌曲，包括從未曝光的《在最好的時間做最好的你》和《給你幸福 所以幸福》及英文版《You are my everything》。而一向「寵粉」的他，完場後更逐一跟歌迷合照。
提到被爆料指碟內新歌《收到收到》是他早有預謀，為冧另一半而寫的？Jay扮嬲笑說：「佢哋一上台就爆我啲料呀！哈哈，其實我都無乜嘢要收埋，爆咪爆囉，我爆返佢哋料！」感情豐富的Jay透露日前練歌時，被歌詞感動到流淚：「我好緊張，因為第一次喺咁多人面前唱晒成隻碟嘅歌，我好在乎大家反應，希望大家鍾意。《在最好的時間做最好的你》係成隻碟嘅主題，練歌嘅時候，我一唱完就喊，當時我幻想見到十一年前嘅Jay，呢段時間經歷咗好多事，每次聽呢首歌都好大感覺，反而錄歌時比較冷靜，有感覺但無喊，因為當時身體開始有少少唔舒服，我好擔心自己病，影響進度，錄唔切就出唔到碟，好大影響。」
