張繼聰 新歌 以離婚探討改變
香港文匯報訊 張繼聰再度發布以「婚姻」作主題的單曲《婚姻不敗》，歌曲原先打算創作給一位曾經歷離婚的朋友，後來因為與填詞人小克輾轉討論，最後再由自己唱出，成為了自己的歌曲作品。阿聰指：「《婚姻不敗》嘅意思係，如果人生曾經有一個人承諾同你一生一世，個承諾有無進行到底都好，呢一段共業，都係為大家獨一無二而設，所以首歌又唔傷感，比較淡然啲。」
阿聰與太太自8月起分別推出《日薄西山》以及《成婚破浪》，加上這次的《婚姻不敗》，組成「婚姻三部曲」。阿聰笑指絕對不是一早安排好，是填詞人小克的意思，他續指：「小克覺得我哋不如探討吓婚姻，所以有呢個好似係三部曲嘅錯覺，但我覺得係同婚姻好似，係緣分，緣分到嘅時候就係會發生咁嘅事。」《成婚破浪》談及結婚的開始；《日薄西山》是婚姻走到中間；而這次發布的《婚姻不敗》所說的是婚姻走到最後。
縱然「離婚」對一般人來說好像代表失敗，但阿聰卻不同意，他表示婚姻是沒有成敗得失，人生發生的每一件事也是最好的安排，也有其意義，他解釋：「我哋呢個年紀好容易遇到好多朋友婚姻狀況有改變，好多人覺得離婚係婚姻失敗，但其實婚姻係不敗嘅，因為兩個人可能喺一段時間，互相為對方提供一啲課題去學習，去到某個時間命運就會安排你哋分開一下，其實都係行各自更加好嘅路，所以係從來都無失敗，係咁樣嘅一個態度。」
