與羅永昌導演晒「父女情」 袁澧林車廂「換衫」顯專業
香港文匯報訊（記者 阿祖）袁澧林（Angela）與羅永昌導演日前為港鐵拍攝廣告片，二人片中飾演父女盡晒父女情，片中更提及進夢的情節，勾起Angela讀書時期的回憶：「我以前住粉嶺都會經常搭『火車』，每次經過大學站爸爸都會話到時叫我讀這間大學，但我不夠叻，去了九龍塘間大學就讀，這都是我成長的回憶，不過現在講『火車』好似好舊咁，曝露年齡的字眼。」袁澧林表示跟羅導早於電影合作，覺得對方好慈祥，幸好未見識「惡死」的一面。
Angela表示自己在傳統家庭長大，試過與家人冷戰：「以前到食飯『側側膊』扮無事，不過現在大個女，學識講『我愛你』同『對唔住』，同埋我喺屋企負責講無聊嘢，令到大家好融洽。其實我爸爸好得意，他有看實體報紙的習慣，會剪低我的新聞，覺得上報紙就係『勁嘢』！」而在拍攝時非常趕急，要配合鐵路班次，每個鏡頭都似打仗追時間，Angela毫不介意在車廂「換衫」轉妝，非常專業：「細個排球隊我可以在人家看不到的情況下換衫，剛剛使出了這個技能，真係好癲咁『Quick Change』。」
而羅永昌導演表示現實中屬「暖男爸爸」，除了對太太溫馨外，亦會體諒兒子的感受：「其實導演同我傾拍這條片，我發現好似同仔仔的關係，爸爸唔係大晒，現在後生有自己世界，都要學識跟他講對唔住。」羅導笑言幕前比幕後輕鬆，因為等埋位時沒太多事兼顧，可以與台前幕後傾閒偈：「我同Angela無父女相啦，她咁靚女！以前我係第一個正途申請在西鐵拍電影的人，當年部戲是小齊和千嬅演的，現在港鐵發展到咁多條線，仲要用『地鐵』這個詞真係老啦！」
