蔡浩然張凱娸特訓拉筋好痛苦 盧慧敏苦練長腿功首做奸角
香港文匯報訊（記者 子棠）盧慧敏（Amy）、蔡浩然（Scott）和張凱娸（娸娸）在下周播出的TVB台慶劇《疊影狙擊》中有大量動作場面，開拍前按劇組要求，接受一連串特別訓練，而身為動作片初哥的他們笑言一切從拉筋開始。
舞蹈員出身的Scott，本應是筋骨最柔軟的一個，但卻被導師按在地上進行「深度拉筋」，Scott不斷露出痛苦表情。Scott說：「我跳舞都覺得好辛苦，原來打架比我想像中複雜好多，我上完堂返屋企要休息一整日，再用熱水浴腳，條腰勁痛，但我知道娸娸上完堂之後，就連落樓梯都有困難。」娸娸面露尷尬笑容說：「因為我平時係冇做運動，上完堂之後，我係坐低、起身、行樓梯，都會發出痛苦嘅聲音，但其實係好事，學多樣嘢，做演員需要好好裝備自己。」
至於Amy，劇中將首度嘗試飾演奸角，一雙長腿更是她的最強武器，Amy解釋：「劇入面我經常要用隻腳去同人打，主要集中訓練雙腿，但原來踢腿用嘅肌肉，同我平日做運動運用嘅肌肉係唔同，真係要練，有排搞，其中一位師傅好好，不斷鼓勵我『冇嘢難到你㗎！你要做第二個楊紫瓊㗎！』」Scott也認同：「師傅會不斷同你講『你做到㗎嘛！你要做甄子丹！』雖然聽落好搞笑，但對我哋嚟講，係一個好正面嘅鼓勵。」
