自曝有社恐及焦慮心情矛盾 仍在找「自己」 吳偉豪不介意被稱「強仔」 認受吳大強帶挈接job
香港文匯報訊（記者 梁靜儀）吳偉豪（Ricco）曝入行越耐，就越有社交恐懼及強烈焦慮，心情好矛盾，仍在找尋「自己」；對於被稱「強仔」，他不單不介意，反而多謝爸爸吳大強帶挈演出機會。
吳偉豪（Ricco）憑處境劇集《愛·回家之開心速遞》飾演「朱凌凌」彈出後，形象入屋加上外形討好，近年備受無綫力捧，幾乎每晚打開電視機都能見到他的蹤影，而在剛播畢的《你好，我的大夫》中，飾演剛畢業的中醫師路志遠的他，演出更獲網民讚好，並封他為劇集喜感擔當。繼未播出的《非常檢控觀》，目前Ricco又正投入拍攝另一齣新劇《飛常日誌》，飾演航空學院學員，成為當家小生指日可待。
不過論話題性，就不得不提之前他與爸爸吳大強父子檔演出《愛·回家》，說到其父參加完《中年好聲音》後，人氣有增無減，既拍劇又拍廣告，更不時出席商演活動。Ricco也承認爸爸工作比自己多：「爸爸忙過我就係真，可能工作多過我，但勤力就一樣咁勤力。」對於爸爸入行才一年，人氣有增無減，身為兒子的Ricco亦為老父感到開心，並坦言受爸爸帶挈，接多了工作：「直頭令我多人識咗，啲人𠵱家叫我『強仔』。（唔介意？）完全唔介意，我老竇嚟，開心添。」他承認稍後兩父子再拍檔出席商演活動，至於是否收「父子檔」酬金，Ricco認為錢不是最重要的，最重要的是可以跟爸爸同台演出。有其父必有其子，Ricco亦唱得「兩嘴」，他都想有機會嘗試唱劇集歌，又推薦爸爸唱《愛·回家》主題曲。睇得又唱得的Ricco，承認曾參加全新偶像選秀節目《亞洲超星團》面試，可是最後未獲選中，他自嘲說：「唱歌還可以，但我手腳唔協調，跳舞真係有啲吃力，（如果當日被選中？）唯有頂硬上。」
笑言想演忠角捉爸爸
拍劇拍出戲癮的大強，曾透露想演奸角，又想再跟兒子合作演對手戲？他笑指如果爸爸想做奸角，他就演忠角捉他。問到他覺得爸爸又可有演奸角的潛質？Ricco認為爸爸都有這方面的潛質：「因為演戲都係做返一個人，只不過係技巧上及對白上嘅處理，要有經驗才可以做得好，我都好希望Daddy有更多經驗去嘗試更多角色，再有更大挑戰。」
Ricco又稱自己遺傳了爸爸的內斂性格：「入行到𠵱家，我發覺自己越來越內斂，喺人多嘅地方就會覺得唔自在，有時又連自己啲演出都唔敢睇，會覺得好尷尬，又唔擅長去表達自己的感受，唔係好識同人溝通，越來越覺得自己有社交恐懼及好強烈焦慮，可能係我對自己嘅執着。」
保持初心認真演好戲
入行8年，Ricco平日出席宣傳活動都不是最識「搶鏡」的一個，有時合照甚至會躲在最後最側邊，低調的性格甚為「蝕底」。Ricco承認心情的確好矛盾：「自己真係好享受拍攝過程，惟有keep住初心，諗自己入行係為咗演好戲畀觀眾睇，去宣傳時盡量focus人哋開心嘅一面，帶到歡樂畀人哋就可以推動到我完成件事。」問到可有想過因此而放棄幕前演出？他肯定地說：「咁又冇，不過就想試吓幕後工作，因為我係愛上幕後拍攝才愛上演戲，再參加藝員訓練班，希望將來可以接觸更加多幕後工作。」
與周嘉洛常傾心事
Ricco出道不久就以拍攝處境劇為主，不過他並未覺得限制了演出，反而拍完正劇再返入劇組以一個開心Mode演出，都是考驗一個演員的技巧及應變能力。提到處境劇，不免令人聯想到同劇的周嘉洛，Ricco大方表示兩人不單是同學，私底下亦是朋友：「我哋係同期訓練班，入行至今都有傾心事，分享大家喺工作同做人處事上嘅嘢，會將交流嘅嘢用嚟幫助喺拍攝上，互相溝通令到大家一直增值。」Ricco又讚嘉洛平日予人好自在及享受的感覺，這點令他好欣賞，覺得值得學習，但不會百分百學，否則就沒有了自我，曾有前輩跟他提過，拍戲最重要是要找到自己，所以他至今仍在找尋「自己」。
感情生活層面，Ricco入行以來緋聞不多，只承認過有一名比他年長十年的女友，及與落選港姐何泳芍傳過緋聞。在家中排行第三，有兩名哥哥及一名弟弟的他，被問到其父跟記者交談時，大爆四名兒子都「Available」，他笑說：「爸爸有時講嘢係調皮，拍拖順其自然，我𠵱家仲係25歲，我都唔急，大哥加油呀。」他坦言不是擔心戀情影響事業，明白正常人好奇藝人的私生活，但作為藝人捱更抵夜拍戲，卻因為一單緋聞就令自己的努力被掩蓋，這是他不希望發生的。
攝影: 梁靜儀 服裝 : Dunhill
