教囡囡識男仔不能重外表 黎姿笑稱越遲拍拖越好
香港文匯報訊（記者 梁靜儀）馬黎珈而（原名黎姿，Gigi）昨日一身Pink Lady打扮， 到尖沙咀出席「癌症基金會粉紅革命」2023啟動禮，擔任粉紅大使的她，宣揚關注乳癌訊息。
Gigi在台上致詞時聲沙兼有幾聲咳，她表示早前被二女傳染了甲型流感，已休息了幾日，目前仍要食藥，而女兒之前亦請了幾日假休息，慶幸另外兩個女兒沒被傳染。有感近日是流感高峰期，她也要食維他命及水果增強抵抗力。
說到她抱恙仍出席活動，Gigi表示因活動很有意義，而乳癌在香港很常見，身為女性好應支持及宣揚訊息，女性應多留時間給自己，愛惜自己，她又以自己為例：「我都要返工、湊小朋友及照顧屋企，時間都好滿，但會提醒自己要對自己好，要照顧好身心靈，不止事業和賺錢。」
Gigi 透露會定期接受身體檢查， 又會自己進行檢查，如有疾病可以及早預防，她又會教導三個女兒，她說：「孖女都10幾歲， 開始大個女， 要教佢哋認識女性重要同私密嘅事情保護自己。」
雖然忙得不可開交，但Gigi 都會抽時間陪伴女兒，因她喜歡陪伴女兒，並指同家人在一起的時間最開心， 不過都會給自己個人時間做運動，去行山出一身汗 、 睇戲、聽音樂或睇書， 清空一下自己。 問到可會有戲癮？Gigi說：「 都會心思思，但都冇時間，分身不暇，有時都會默默支持拍檔啲演出，我鍾意演戲，但真係唔容許， 將來再算。（女兒可有睇你的舊作？）有睇《倚天屠龍記》，《金枝慾孽》未睇， 因為比較深奧，可能再過幾年。」
問到三個女兒可有表演慾？Gigi稱沒有， 都是鍾意扮靚， 沒有特別喜好。 至於可有追星，跟她一起討論靚仔？Gigi說：「我會教佢哋唔可以只睇外表，要睇有冇愛心、責任感，同埋性格都好重要，用心感受至可以交往。」問可有跟女兒談感情事？她笑指女兒們還未拍拖：「最好18歲先拍拖，越遲越好！」
下周日生日的Gigi，表示會跟家人慶祝：「 去到我呢個歲數， 同家人靜靜地過已最開心，平淡是福 ，一切正常已經係非常好嘅事， 唔使任何生日禮物同慶祝活動 。」
