網民：伯明翰品流複雜 去過就知有幾差
香港文匯報訊 對於英國第二大城市伯明翰宣布破產，一眾移英港人紛紛湧到社交平台表達心聲，有人直言伯明翰就像「英國深水埗」，獲得不少感同身受的網民同意讚好。
伯明翰宣布破產成為多個移英專頁的熱話，其中一位網民留言非常精闢，指自己去過伯明翰，感覺就像「英國深水埗」、「英國新蒲崗」等，網民Tai Hung Man隨即留言，指自己正住在伯明翰，「我哋成日都笑我哋住喺英國深水埗！不過住落都唔係好差！度度都有好人，壞人！伯明翰人普遍衣着較隨意！普遍啲人都係friendly！no worry！」，他其後補充，「個市容唔算靚，巴士服務唔太理想，art museum（藝術館）到現在仍未維修完成至全面開放，可能就係財務問題！」
「總係覺得有人想偷嘢」
網民Bryan Justice更直指「去過你就知有幾差」，補充說「例如行市中心，成日都感覺唔安全，總係覺得有人想偷嘢，喺其他地方唔會有呢種感覺，市中心周圍嘅街同屋市容差，感覺唔好，唔會再去。」
曾經住在伯明翰的網民PS PS Fan表示，「第一年住咗喺嗰度，慶幸之後沒遇過更差的地方，你會覺得，吓？原來英國係咁，好多homeless（無家者）， 住宅地方晚晚會聽到大叫，有時會叫成晚，周圍都聞到『食草』（大麻）嘅味道，人流好雜和混亂，遇到無禮貌嘅人％（比率）好高，真係似深水埗……」
網民May May回應，「我住咗1年，有啲區似去咗深水埗、重慶大廈，有啲區事實就感覺較好，主要係人種太多，甚至有啲區入到去真感覺不安，所以避免停留，城市整體較殘舊，政府有講港人有免費英文學，但council完全無這項服務，巴士時間不準是經常，總括而然（言）Birmingham（伯明翰）係令我覺得，究竟第二大城市的美譽怎樣得來，實在失望！」
有移民顧問亦特意拍片介紹伯明翰，向已定居伯明翰的港人派定心丸，指民眾生活暫時未受太大影響，但就提醒準備移英的港人，伯明翰未來10年發展未必有太大起色，還是選擇其他城市較為穩妥。
