為幫補家計中學未畢業就工作 梁朝偉以奮鬥經歷勉勵小朋友
香港文匯報訊（記者 梁靜儀）梁朝偉（偉仔）昨日以頒獎嘉賓身份，到油麻地出席《兒科醫學會鵬程奮進堅毅獎學金2023頒獎禮》，並上台致辭勉勵 20 位來自基層及患有長期病的得獎學生。
昨日大會除邀得偉仔出席外，並邀請了鵬程慈善基金創辦人鍾志平博士、梁智鴻醫生、梁愛詩博士、高永文醫生等擔任主禮及頒獎嘉賓，一早到場的偉仔未有接受訪問，而有「社交恐懼症」的他，活動期間對不停有嘉賓上前要求合照和簽名，他都來者不拒，更拿手機同嘉賓自拍。
頒獎前偉仔上台致辭，他首先多謝葉柏強醫生邀請他出席這個有意義的活動，之後再以自身經歷勉勵大家：「其實我都係來自基層家庭，我個人覺得每一個人或多或少都有啲缺陷，有喺生理上，有啲喺心理上，我都係，我係嚟自單親家庭，喺我記憶，我六七歲嗰陣有一日爸爸消失咗，我同妹妹係由媽咪一手湊大。因為家庭環境唔好，中學未畢業就出嚟做嘢幫補家計，我好幸運，工作咗五六年之後，搵到一份自己好有興趣嘅工作，工作期間覺得自己讀書唔夠多，但係可以進修同自修，呢段時間我對每一個工作都認真，我唔敢講自己好成功，但係都做到自己心目中要求，一直覺得自己只係個普通人，如果我都可以，我相信所有人都可以，我祝大家身體健康，今日得獎嘅小朋友前程錦繡。」雖是短短兩分幾鐘的致辭，但已獲得不少掌聲。
之後偉仔頒獎給多位得獎學生，其中一位男生需坐輪椅，偉仔更走到台下頒獎給對方，並蹲身影合照，另外，影大合照時，偉仔見台上有位小妹妹難以下台，主動把她抱下台，又與得獎小朋友傾偈，表現親切。
另外，近日有傳偉仔搭上內地女星程瀟，兩人更育有私生子，事後偉仔已發聲明澄清以正視聽，而昨日他亦婉拒傳媒訪問，不過偉仔全程展露笑容，相信傳聞未有影響到其心情。
