照顧小動物比個人儀容更上心 陳庭欣無意婚後淡出嘆世界
前港姐陳庭欣（Toby）在近日播映的無綫劇集《寵愛Pet Pet》中飾演失婚闊太，跟飾演度縮老闆的徐榮，由冤家變情侶，兩人更發生一夜情，不過搞笑居多。為了演繹乞人憎闊太，Toby更花了不少心機。現實中的Toby與坐擁10億身家的楊振源拍拖5年，過着闊太生活，雖未有正面回應婚期，但她表明自己婚後無意淡出娛樂圈，會繼續工作。
Toby表示其闊太角色甚有排場，不單衣着華麗，出街又有多名保鏢護駕，因為有潔癖的關係，其心愛臘腸狗更會有秘書專人負責抱抱。Toby為了令角色更突出，開拍前特別參考真人騷節目，學習闊太的說話語氣及誇張妝容，淺藍色眼線及超長眼睫毛，都是她為角色設定。而今次其鸚鵡Shabu Shabu也有份客串演出，「見慣世面」的Shabu Shabu，雖然出鏡只得短短幾秒，但乖巧表現已令Toby大感安慰。
望攜寵物客串續集
雖然帶着動物開工拍戲很辛苦，但出名愛動物的Toby就樂此不疲，經常攜同兩隻鸚鵡，包括粉藍色的ShabuShabu、淺綠色的GoroGoro，以及愛犬Winter幫手宣傳，十分落力。今次試水溫成功，Toby不諱言如果監製開拍續集，都希望家中小動物可以演出一角，同時最想拍攝關於少人關注的動物。
拍攝當日，Toby便拖住三隻寵物抵達電視城接受訪問和拍照，隨行還有Toby的爸爸及化妝師幫手照顧小動物，由於天氣酷熱，熱到滿頭大汗的Toby，並不擔心自己化妝溶掉，反而擔心小動物中暑。本身是電視城「常客」的Winter及ShabuShabu，初時都有點「生保」，熱身後便滿場飛，影相時更企定定望住鏡頭，連Toby都大感意外。
Toby視小動物如子女般愛錫，幾年前ShabuShabu曾一度走失，當時焦急的心情，她仍歷歷在目：「走失四日，走到第四日都有少少打定輸數，好彩最終都搵返。」不過講到另一隻愛雀WaraWara幾年前突然離世，Toby就再忍不住眼濕濕說：「畢竟動物的生命短暫，所以我好珍惜同佢哋相處嘅時光。」飼養小動物更令她體會到，要照顧別人或小動物，就要先照顧好自己，她是經常這樣提醒媽媽。
當年非自願參選港姐
戲中Toby過足闊太癮，現實中她亦同樣過闊太生活，住豪宅又有司機接送，閒時出海及陪男友楊振源（Benny）遊埠。二人拍拖5年，多次傳出婚訊，問到Toby何時成為真正闊太？她笑說：「我冇諗住做真正闊太，喺我腦海中闊太係唔使做，我就結唔結婚都會工作。」
另外，新一屆港姐又即將誕生，身為師姐的Toby亦有留意，其中對留有一頭長金髮的16號郭珮文最有印象。她又給師妹們「貼士」，表示最重要現場表現。2012年當上港姐冠軍的Toby，自爆當年不是自願參選的：「係同事幫我報名，我當時諗唔會咁好彩畀我入圍呀？點知真係入到圍，我最記得當時我個外號係『波點徐淑敏』，因為媽咪幫我揀咗件波點泳衣。」不過最令記者印象深刻的，還是她比熊貓還黑的一對黑眼圈，Toby當年的解釋是因為好緊張。
採訪：梁靜儀
攝影：波波
Makeup：Kelsy Chan
