林漪娸敬業克服恐懼與蛇演戲
香港文匯報訊（記者 子棠）林漪娸（漪娸姐）在新劇《寵愛Pet Pet》中客串演出，劇中她以多套Bling Bling靚衫與蟒蛇有不少對手戲，成為前晚一集的焦點。雖然只有兩集戲，漪娸姐大呼過足戲癮：「呢個角色比平時嘅化妝濃好多，同埋要戴好多唔同假髮，好有八十年代感覺，造型好特別。其實我本身都有少少驚蛇，但唔係話好驚，如果唔係拍嘢都唔會接觸，但演員一拍嘢就會拋開自己，只要角色需要就會做到。」
漪娸姐除了憑着專業精神克服對蛇的恐懼，其中情緒崩潰對着蛇爆喊及與蛇吻別的場口亦令人動容，漪娸姐坦言很喜歡這場戲：「爆喊唔覺得好難演，反而好enjoy！至於吻別戲係即時嘅感覺，有時感情一到就會做出好多行為同表情，係會自己流露出嚟，同埋劇本寫得好感動，好容易帶到你入戲。有時未必需要多戲，係睇有冇位畀你演，雖然只係得兩集戲，但我場場都享受。呢幾場感情戲都係自己solo做，要自己控制好個timing同感覺，好好玩。呢個角色對我嚟講係一個突破，因為我好少做呢類角色，演處境劇比較少感情戲，今次可以見到林漪娸另外一面！」
此外，劇中男主角周嘉洛在《愛·回家之開心速遞》飾演的金城安太過入屋，林夏薇和徐榮拍攝時竟不小心叫錯他做「金城安」；就連NG花絮片也很搞笑，監製陳耀全（Andy）分享拍攝趣事，林夏薇日前在社交網上載與嘉洛的洗頭搞笑片段也勁吸37萬及81萬觀看次數。
