陳豪挑戰多層次聲演「末路毒王」 蕭正楠遭施毒手慘變「無感神探」
香港文匯報訊（記者 梁靜儀）由羅永賢（Marco）監製、YOUKU與無綫電視聯合出品的《破毒強人》，將於下周一（31日）播映，主要演員包括陳豪、胡定欣、蕭正楠、張曦雯、何廣沛、張寶兒、蔣志光、朱智賢、郭柏妍及馬貫東等。
《破毒》故事圍繞「一代毒王」文華（陳豪飾）發生，12年前，文華因遭最信任的手下葉浩天（蕭正楠飾）出賣，被捕入獄，及後文華抓緊患了末期肺癌出獄的時機，從而展開一連串復仇大計。
在內地網站日前發布的預告片中，陳豪在不少特寫鏡頭中均展現視帝功架，其中一個咧嘴大笑表情更讓人不寒而慄；造型方面，除了難得一見的頹廢造型帶出新鮮感，陳豪在角色聲線方面亦明顯下了功夫，對此他透露：「根據角色嘅複雜背景同身體退化嘅情況，今次大膽喺聲線度作出挑戰，包括對白節奏嘅快慢、高低音嘅平衡，同埋情緒波動時嘅變化等。」陳豪續說：「呢個角色好多微細變化位需要特別注意，監製特別提醒我不要過分瘦削，佢話雖然係反派，但不能過分猙獰。」
當年埋伏文華身邊做臥底的葉浩天（蕭正楠）雖將文華繩之以法，但卻因在千鈞一髮之際被踢爆真正身份，遭文華施毒手注入大量毒品以致大腦杏仁體嚴重受損慘變「無感神探」，既失去情感，亦同時失去同理心及恐懼感，剩下的是全神貫注地查案及刻板無味的生活，就連晚飯也天天吃着同一款意粉。原來意粉位是蕭正楠為了角色而精心設計：「我哋覺得要做無感就做到底，所以我劇入面會貫徹『零表情』演技去到極致，生活細節度都加咗啲戲，有四五場屋企食飯戲，我話既然佢食咩都冇感覺，畀好單一嘅嘢食就得，所以每次都係整蒜蓉意粉。」
