楊洛婷攜家人三代同堂遊杜拜
香港文匯報訊（實習記者 茉莉）楊洛婷趁放暑假，攜專程從溫哥華回港的媽媽和囡囡Tanya、囝囝Tristan去杜拜暢遊。由於老公Tim的檔期已經滿了，所以抽不出時間和家人同行。
之前同小朋友去旅行都係自由行，所有要準備的資料都交由楊洛婷，試過flight delay、唔見行李、唔見BB車……現在想起都還在怕，所以今次洛婷決定跟旅行團去親子遊杜拜，由旅行社安排行程，輕輕鬆鬆咁出發。這是楊洛婷第一次去杜拜，每個地方都充滿驚喜，在杜拜一定會拍很多美照，所以她收拾了好多matching的服飾和游泳衣，幫小朋友同媽咪扮靚靚。原來參加親子旅行團係咁輕鬆自在，有很多寶貴的親子時間，真是意想不到。楊洛婷又晒出到酒店泳池玩水靚相，身材Fit爆。
楊洛婷指去完杜拜，對當地改觀：「杜拜好熱，幾乎日日都45度，好彩有好多有冷氣嘅大型Shopping Mall同遊樂場畀我哋去玩，我冇諗過原來杜拜嘅景點同設施係咁kid-friendly，兩個小朋友咁細都可以玩得咁盡興。我哋去咗幾個啱啱開幕嘅主題樂園，有好多機動遊戲畀佢哋兩個玩，又有得接觸小動物，佢哋簡直開心到不得了。最難忘係同佢哋去沙漠坐四驅車同坐駱駝，刺激又新奇，絕對係好難忘嘅體驗。仲有因為我屋企本身係回教徒，今次有機會同小朋友一齊去回教廟，Tanya同Tristan仲着上咗伊斯蘭教服飾，對我來講此行真是別具意義。」
