林沚羿大晒語言天分 姜麗文羨慕夫婦開店零鬧交
香港文匯報訊（記者 梁靜儀）姜麗文與林沚羿兵分兩路走入東京大小餐廳員工飯堂，透過員工餐體驗人·情·味，林沚羿大晒語言天分，姜麗文難忘恩愛夫婦開店12年零嘈交。
由姜麗文（Lesley）及J2er林沚羿（Venus）主持的《職工頭圍用膳 東京篇》，二人將走訪東京不同特色的大小餐廳。本周兩位主持先後走訪了米芝蓮燒鳥串燒店、家族壽司店、港式點心餐廳、法式鴨肉拉麵及台式餐廳，其間兩位主持除大晒流利日語，Venus還同場加映韓語、英語、普通話，以及簡單的德語等，Venus更驚揭日語是自學：「因為從小就喜歡看日本動畫，咁就慢慢學識咗。韓語係因為我喜歡嘅音樂大部分都係韓語，同埋我十七八歲嗰陣想做練習生，所以上過幾堂課。」
談到深入東京各餐廳飯堂感受，曾在香港餐廳打過的工Venus，坦言很喜歡那種「家的氣氛」，她說：「好似喺串燒店，佢哋無論工作同食飯都有講有笑，平時啲人話日本人階級觀念好強，但佢哋完全冇嗰種感覺，而負責煮員工餐嘅員工仲會特意出去買餸煮員工餐，好有家嘅縮影。」
Lesley則分別跟隨了日籍夫婦及香港點心老師傅，到魚市場入貨及學包中式點心，最難忘的是沒想過餸頭餸尾也可以是人間美食。她又很羨慕每天一起工作的日籍夫婦，12年未曾鬧過一場交︰「老闆話佢哋遇到問題第一時間係講出嚟，咁就好自然會去咗解決問題而唔係鬧交。」
Lesley續指港式點心餐廳的師徒情，也大大觸動了她：「佢哋一個係香港人，一個係日本人，10年以嚟都係只靠動作同感覺溝通，所以兩個人嘅廣東話同日文都冇進步過。」Lesley為了讓老師傅能將退休感言好好傳達給徒弟，還專誠為二人充當翻譯：「見到佢哋兩個講完之後，對住對方係咁點頭道謝，就覺得好有愛。」
