製作《野外步出》知慳識儉 方紹聰 黃紫恩玩激流反艇幾乎沒命
香港文匯報訊（記者 梁靜儀）方紹聰（奶仔）身兼監製及主持的J2綜藝節目《野外步出》系列，上兩輯播出後反應理想，近日播出第三季《野外步出3玩野加大馬》，今次加入胡敏芝（Karen）及黃紫恩（Jojo）擔任客席主持，三人更衝出香港，遠赴馬來西亞拍攝，大玩驚險刺激運動，奶仔與Jojo更與死神擦身而過。◆攝影 彭子文
再次擔任該節目監製的方紹聰，今季並首次以主持身份去玩，與Karen及Jojo兩位靚女齊齊挑戰自我，大玩潛水、越野車、滑翔傘及激流等刺激運動。其中方紹聰與Jojo去到一個名為Head Hunter Rapid激流時，整艘船被拋起，除坐在船尾的教練，其餘各人全部被拋落水，並隨着水流一直往下游沖，情況危急，幸好經歷數分鐘的漂浮，水流開始減慢，才能成功脫險。Jojo自責開口夾着脷：「我唔識死，同教練講，又話反艇嘅？反艇先好玩。點知講完10秒架艇就反咗，喺船底唞唔到氣，以為自己『要走』，每次上水唞氣都俾船底頂住。」在水底掙扎期間，Jojo心底不停呼喊「媽咪，我對你唔住」，更坦言一度見到白光，以為自己會死，而方紹聰指跌落水一刻完全分不清上下，幸好最後眾人有驚無險。
方紹聰多謝張慧儀雖然沒怎麼看過該節目，又要舟車勞頓、不怕被蚊咬也一口答應演出，他最記得對方說：「因為你係奶仔，係我朋友，所以就同你去玩啦。」為了給慧儀驚喜，方紹聰更秘密安排她的養子出鏡，講出內心如何多謝媽媽令慧儀大為感動。自己亦喊埋一份，方紹聰說：「希望藉着節目令觀眾睇到更多野外環境，仲有嘉賓最真實一面。」
Karen食飯盒食到想喊
問到今季的製作費可有超支？方紹聰說：「未計數，唔知有冇超支，每集都有5位數，夠使啦。」雖然預算有限，但他未有「刻薄」製作團隊，他更效法無綫總經理曾志偉，每次收廠後都拉隊去食飯慰勞工作人員，除了可檢討節目，更可增加團隊性，說到此，奶仔突然說：「我都有啲擔心（超支），（食飯佔最大支出？）當然會啦。」
Jojo大讚方紹聰沒有待薄她們，每日都很好伙食，在沙巴期間安排了他們食很多特別的食物及海鮮，其中食過烤山豬肉。
至於Karen就呻伙食不及Jojo，試過食飯盒食到想喊，她說：「最難忘係爬完『劍峰』嘅飯盒，真係食到想喊，原來好辛苦之後，一個簡單飯盒都可以好好食。」Karen又搞笑投訴被迫素顏上陣：「因為製作費有限，有時都殺我一個措手不及。」Jojo笑言其實不用化妝「好盞」，青春無敵的她說：「我問過身邊好多朋友，佢哋都話就算我冇化妝，個樣仲喺度，唔會認唔到我。」方紹聰就大讚兩位女拍檔專業，又安撫她們說：「其實內心嘅靚已經超越咗外貌嘅靚，如果要睇靚女，就睇香港小姐，如果要睇一個真善美嘅節目，就睇《野外步出》。」
近年不少綜藝節目女主持的水着Look都會成為賣點，奶仔強調作為愛運動的人，認為做運動要着合適的衣着，絕不鼓吹為露而露，但去到可以露的地方他都歡迎大家露身材，不過Karen就自爆此行沒被安排水上活動，又自爆身材有缺陷：「因我身材普通，（可裝胸？）我唔想打假波，三點式嚟講，大家只會覺得係個男人，所以都冇安排水上活動畀我。」反而身材較好的Jojo就去了沙灘及水上樂園玩。
