馮允謙直言想攞「最優秀流行男歌手獎」
香港文匯報訊（記者 梁靜儀）馮允謙（Jay）昨日到荃灣為商場周年活動任表演嘉賓，並即場獻唱多首新歌，獲大批歌迷到場支持。入行11年的Jay近日首度獲港台頒「優秀流行歌手大獎」，令他開心又感恩，他直言有機會都想攞「最優秀流行男歌手獎」。
早前在紅館舉行了三場個唱的Jay，近日獲港台《十大中文金曲》頒發「優秀流行歌手大獎」，首度獲該獎的Jay大感意外，他笑說：「完全估唔到，因樂壇有唔少欣賞嘅歌手，如陳奕迅同容祖兒都得到呢個獎，自己能躋身十大好難得，非常開心，好感恩，因為獎項意義大同具有肯定性，我會做好音樂報答粉絲。」
問到他可想再得其他獎項？Jay直言最想奪得「CASH最佳創作歌手」獎，一圓三連貫夢，獲獎亦是對幕後團隊一個肯定。問他覺得誰是最大對手？他說：「現時唔少歌手都有參與創作，冇諗過邊個係最大競爭對手，（可想攞埋『最優秀流行男歌手獎』？）有機會好呀，係咪好貪心？獎項對公司好緊要，但唔會畀自己壓力。」
他表示近日為《全民造星V》擔任導師，錄影工作已接近尾聲，他大讚今年參賽者水準強又有潛質：「我諗住盡量幫佢哋，無論唱歌技巧或者編曲上都會畀啲意見，我相信佢哋一定得。」
