有「靚湯」滋潤皮膚變好 馬國明笑言生子無壓力
香港文匯報訊（記者 梁靜儀）馬國明（馬明）、林夏薇(薇薇)、張頴康、黃嘉樂、蔣祖曼、陳少邦及容天佑等，昨日到油塘出席劇集《法言人》之「 即時開庭」 宣傳活動，監製劉嘉豪即場宣布劇集播映一星期， 成為九點半劇集首集最高收視冠軍的喜訊。
現場一眾演員重演劇集的情節，劇中薇薇被陳少邦淋紅酒侮辱，活動上薇薇以牙還牙，用紅酒照頭淋陳少邦； 另外馬國明被眾人抬起向容天佑起飛腳。
馬明近期連續兩部有份主演的劇集都有高收視，說到高收視的劇集都被他霸晒？他說：「 仲係4月啫 ，(霸落去？) 播埋呢套我就冇劇播，要等《NEWS新聞女郎》，好難霸。」被指消瘦了的馬明表示，因近日既要忙於拍劇以及要出席宣傳活動，所以瘦了一點。 說到他雖然工作忙碌但皮膚卻好了，馬明就自爆全靠未婚妻湯洛雯的湯水滋潤，更大讚靚湯最拿手煲藥材湯。問到藥材湯是否幫助生育?他笑說：「家姐都生咗兩個小朋友，父母一早有孫抱，我都冇壓力嘅，（想唔想結婚當日雙喜臨門？) 正常應該就唔會，不過有都無所謂，睇緣分，隨緣啦，最緊要開開心心。」
薇薇近日分享出海泳照，她嫌自己略有點幸福肥：「父母新年前已經嚟咗香港，日日都有湯飲，媽咪要儲肥我。我肥咗6公斤，不過好開心，今年可以陪爸爸度過70大壽，當日同好多朋友一齊出海聚一聚， 因為已經有6年冇見爸爸，大家都玩得好開心。(如果父母有孫抱會更開心？)自己冇呢方面嘅壓力，好自由。」
何依婷 會有浪漫拍拖戲
何依婷被問到在劇中可有俾人糟質？她表示自己是個幸福的女仔， 不用被人糟質， 但其角色患有重病，會與丁子朗患難見真情。她指二人會有浪漫拍拖戲，會去溜冰及海邊散步。問到可有親熱戲？她表示都是蜻蜓點水。笑問她現受公司力捧，是否不能拍太親熱的戲份？ 依婷認為一個專業嘅演員是不能因怕醜而不演，之前她都試過在劇集拍過一些激情戲，主要都是睇劇情而定，而她今次是飾演一個純情秘書，想激情都不能。
去年成為全城熱話的「百大俊男美女」選舉，今年再接再厲，日前公布初選入圍名單，莊鍶敏亦榜上有名。對於入圍「百大美女」候選名單，她表示高興，當得悉粉絲要課金才可投票，她就說：「咁我寧願佢哋捐錢做善事，有意義啲，平時收睇我演出嘅劇，呢種支持實在啲， 大個啲就買我嘅產品。」此外，她又透露5月初會到泰國做帶貨，身邊好友已叫定她幫手買合船麵、 芒果糯米飯及護膚品，笑言順道做代購，應該會滿載而歸。
胡楓 客串「口吃大狀」
另外，91歲胡楓(修哥)客串「口吃大狀」不單對白依然講得清晰，狀態亦相當精靈。拍攝期間適逢修哥正日生日，劇組總動員與修哥切蛋糕慶生。
有份參與當日拍攝的蔣祖曼（Joman）對於可以為修哥慶生深感興奮，大讚修哥專業及魄力驚人：「我第一次有幸同修哥合作，我好佩服佢，佢好早就抵達現場準備，全程冇乜坐過，仲要不斷係咁行，我叫佢坐低休息吓，佢猛話：『唔使呀！我開工唔坐㗎』。修哥仲係咁同我哋傾偈，對答好精靈，仲要識好多潮語同有gag位，好犀利。」
