劉佩玥教多散步助修美腿
香港文匯報訊（記者 子棠）劉佩玥（Moon）在今日播出的《隱形戰隊》一集，與吳家樂分別喬裝一樓一鳳及唐樓住客近距離埋恐怖分子身進行調查，由於配合鳳姐打扮，Moon身穿V領性感絲質睡衣性感惹火，差點遭廖家爵「霸王硬上弓」！談及身陷險境的這一幕，Moon透露拍攝時其實有一定難度：「因為個廠真係好凍，同埋張床唔係床嚟，係一嚿好硬嘅嘢上面有啲被鋪；我同我對手廖家爵對戲時，佢都好緊張，因為驚整親我。我覺得呢類戲最緊要演員之間有溝通同信任，所以我哋最後都好順利完成。」
不過更令人注目的是Moon再度大晒逆天長腿，獲讚白滑修長讓人羨慕。Moon對於長腿成為劇集亮點，開心地感謝大家喜歡，還大方分享美腿兩大心得：「其實我細個唔係好高，我記得我低年班時都係排前面嗰幾個，直至去到大約中四先至突然開始長高，我諗都關我鍾意運動事。因為以前有打排球，我又好鍾意跑步，所以我覺得做運動同成日飲水都會令到個腳形靚啲。」Moon補充指多散步亦對保持靚腳形有幫助：「我食完飯之後都會去行吓，就算現在揸車，都會去公園或者山度行，所以我覺得適量同適當嘅運動，都會對身形有幫助。至於經常拍外景仍保持膚色白滑，除了要做好防曬，唔好成日食啲好濃味或顏色好深嘅食物，味精唔好食咁多，同埋最緊要保持身心開朗，飲多啲水就OK㗎喇。」
