【特稿】老友記：店家疑找人「做媒」吹噓產品
「佢哋疑似搵人『做媒』，吹噓啲產品好用，又會畀壓力其他人，搞到唔買嘢都唔得！」七旬的林女士曾到這類「保健公司」聽所謂「健康講座」，她現身說法向香港文匯報記者透露，這類「保健店」以小禮物吸引長者入內，又熟悉言語技巧，令人難以抗拒，最後花費金錢購買不知品牌和效用的保健品。
居於藍田的林女士憶述，她早年有次經過啟田商場附近，見有長者在排隊，有數名更是認識的街坊，好奇查問下得知有「健康講座」，於是參加，現場約有十多名職員派發藥油、藥貼等小禮物，又窩心地問候長者及幫他們搽藥膏，試用按摩器等。
「講座大約一個小時，初時講啲表面嘢，講啲老人家通病，上年紀膝痛、神經痛等，好多老人家都有，好易入位，又會講吓佢哋嘅保健藥物、藥膏、電子脈衝按摩器、磁石枕頭等產品幾有效，但未必會即時要你買。」林女士說。
有人似被鬼迷 懵吓懵吓幫襯
一些已「幫襯」的長者，在講座後會和其他老人家聊天，「大家唔識都好，長者同長者容易溝通，佢哋會話用過有幾好，又話你信啦，試吓啦，如果我咁啱周身骨痛，真係會買，但睇落呢啲買咗嘢嘅老人家疑似係『做媒』。」同時，職員亦很懂得得「氹」長者開心，「有些長者好似被鬼迷，懵吓懵吓都會幫襯，而且攞咗禮物又唔好意思唔買。」
由於林女士感到不對勁，之後無再捧場，「覺得唔對路，雜嘜貨無保證但又賣得貴。」
