陳豪譚凱琪捱冷拍「全裸」落水戲
香港文匯報訊（記者 梁靜儀）譚凱琪（Zoie）與陳豪為劇集《新四十二章》凌晨拍「全裸」落水戲 ，最難忘捱凍，煲定薑茶暖胃。
前晚劇情集中在章經（陳豪飾）與Frances（譚凱琪飾）感情線上，二人落海暢泳情節亦相當吸睛，Zoie背部近乎「全裸」演出之餘，因劇情講述陳豪怕她被人「睇蝕」全相，故此在海中攬實Zoie，相當親密。
Zoie事後透露拍攝落水戲前做足打底功夫：「其實呢場唔係真係全裸，拍嘅時候我係着晒肉色上、下身打底先至落水，拍嗰時係凌晨五點幾六點，因為一朝早未有太陽，就算有都唔會好猛，仲要落水，所以真係有啲凍。」陳豪與Zoie為了該場落水戲，於深夜時間已於海灘上等候埋位，帶着「受死」心情落水的陳豪全程表現「冇眼睇」，Zoie則不斷傻笑掩飾緊張之餘，又煲定薑茶暖胃，陳豪聞言即搞笑謂：「希望我拍完仲有知覺。」
