再開騷不邀周慧敏做嘉賓 黃凱芹睇重身形戒食雪糕
香港文匯報訊（記者 梁靜儀）黃凱芹（Chris）繼去年9月於紅館舉行個唱後，相隔半年再開騷，將於3月18日、19日假九展舉行兩場《聽·黃凱芹2023》演唱會，昨日Chris出席個唱會記者會，宣布門票於今日情人節公開發售，又即場整心形朱古力迎情人節，影相時更不停大派心心。
記者會上，Chris表示因為俗語有云過年肥十斤，他不想身材漲爆，新年期間也不敢吃太多，昨日也要穿上oversize size的衫顯瘦。
Chris表示上次開騷後已立即想申請2月再做Part2，因不想相隔太耐，但訂不到紅館場地，故決定轉去九展再開騷，他說：「今次安排全新rundown，新舞台、新歌衫，除了有四面台，仲有條70呎長Catwalk舞台，所以觀眾位會少啲，我會扮靚靚學模特兒行貓步出場，入場觀眾記得着靚啲，因疫情放寬我會同觀眾握手，大家會被攝入鏡頭，現場又會有大合唱。」Chris又溫馨提示觀眾提早到場，因場館外會辦小賣部，售賣他的唱片、歌集和寫真，以及要像去飲宴一樣準時入席，因會先安排樂手演奏，都是演唱會一部分。
問到今次可會再邀好友周慧敏（Vivian）擔任嘉賓？Chris指今次Vivian將不會做嘉賓：「佢自己有騷要準備，個騷只有我一個。」
Chris稱今趟在港只逗留很短時間，加上機票好緊張，完騷後他便立即返加拿大準備4月個騷。
Chris又感激主辦再邀他回港開騷，因他不是活躍型歌手，能有機會上台表演，心情就像學生等開派對般興奮。說到他身形清減了，他透露因戒吃雪糕及少食澱粉質。
