出道11年終圓夢 馮允謙明年3月首開紅館騷
香港文匯報訊（記者 梁靜儀）馮允謙（Jay Fung）前晚出席新專輯《LOVE & LOSS》發布會，同時並宣布將於明年3月首次踏上紅館舉行演唱會，等了11年終於圓夢的他表現激動，他又笑稱若弟弟今次再缺席，就斷絕兄弟關係，至於女友亦一樣。
當晚與Jay Fung同公司的C AllStar成員梁釗峰和陳健安(On仔)到場支持外，他的父母、哥哥、孿生弟弟、舅公，以及一班歌迷亦有到場支持。Jay Fung即場獻唱多首新歌，包括《報復式浪漫》、《Freakin' Nightmare》、送給天國的嫲嫲的《給缺席的人唱首歌》及《Me and the Moon》，還有送給哥哥的Medley歌曲，儼如迷你演唱會，難得家人在場，Jay Fung亦唱得格外落力投入。
要挾胞弟及女友去捧場
唱完多首hit歌後，Jay Fung宣布將於明年3月首度踏上紅館舉行演唱會，全場歌迷報以熱烈掌聲及歡呼聲，他又呼籲粉絲到時不要出埠，否則他會嬲。活動完結後， Jay Fung受訪時仍相當激動，他感恩地說：「我收到消息第一個反應係好驚訝，每個歌手都想去到紅館開騷，呢個都係自己多年心願，能達到呢一步好感恩，做咗歌手11年，轉投呢間公司之後畀咗好多機會，之前我連出碟嘅機會都冇諗過，之後慢慢成績幾好，就有諗上紅館，聽到公司話幫我紅館開騷，當然立即答應。」他不忘感謝公司及歌迷多年來的支持。
剛於今年7月在九展舉行了個人騷的Jay Fung，更兩度宣布加場，至於今次個唱的場數及一些細節仍未確實，要等公司稍後公布。問到現時可100%售票，他說：「很好呀，賣飛有一定壓力，所以做好本分唱好歌。」問到屆時家人會否再返香港捧場？他笑說：「我上次開騷，細佬都堅持要去旅行，如果今次佢再唔捧場，我就同佢哋斷絕關係冇兄弟做。（到時女友會唔會由加拿大返港捧場？ ）女友都話會返嚟，如果佢唔返嚟我就唔要女友啦。」Jay Fung又指紅館開騷這件事對他來說十分重要，希望大家都給予支持。
至於開三面台還是四面台？他說暫時未有定案，會跟公司商量，但一定會有新的演出給大家欣賞，笑問他會否除衫騷肌？他尷尬地笑說：「考慮下，啲人入場想聽我唱歌，唔係想睇我除衫，跳舞方面都係考慮下。」除了唱歌，他又希望明年有機會拍電影。
另外，提到前日推出新碟，Jay Fung對新碟銷量暫時未有想太多，因不是自己可以控制，唯有將自己的歌送給樂迷，大家喜歡就很開心了。
