陳奕迅憶春茗演出受冷待 發誓唱好歌令觀眾尿急不上廁
香港文匯報訊（記者 子棠）陳奕迅（Eason）前晚在第15場演唱會上，再次因為觀眾熱烈要求，唱了第二小段的即興版《浮誇》，還喚起了年輕往事。
Eason一如今次個唱的慣例，連唱29首歌曲後才與觀眾傾談，觀眾即起哄要他唱《浮誇》，最終他也順應民意，並顯示驚人記憶力，指這首歌是收錄在2005年6月7日推出的唱片中，自嘲能記得晒自己出碟的日期好變態。
唱完一小段後， 觀眾因為太入神及只顧拍片，所以來不及即時有太多反應，Eason笑道：「你睇你哋，冇乜反應……哈哈！」觀眾即報以熱烈歡呼聲，他又說：「其實我唔係好需要反應，太多年，試過未唱就好有反應，又試過唱完冇反應。我人生第一個騷，喺香港會議展覽中心，當年連自己歌都未有，上台係唱我偶像張學友嘅《望月》。一路唱一路唱，台下的人一路喺到十五二十（猜枚）……因為係人哋春茗。我?家仲記得，唱完之後，我返後台，我好嬲，發誓以後要唱得好聽到佢哋個膀胱爆都唔去廁所！留喺度聽我唱！好嬲，當年21歲好有動力，過咗幾年，人大咗，人哋尿急到塊臉變紫色都唔畀佢去咩？勸都勸佢去啦，但係後生應該咁，keep住啦！其實我都好後生，48歲仲係好細個，我係一個BB仔嚟㗎！」
到演唱會完結時，他跟Dancer向觀眾鞠躬並說：「好多謝大家，?家最慘係咩？係當大家咁熱情時，我冇得攬冇得咀，希望喺2023年補返畀大家，喺街上、餐廳、車上，見到就攬下，我哋好需要肉體上愛撫，多謝大家！」隨即連接送出多個飛吻。這晚Eason安歌了一首《陀飛輪》後，觀眾不斷叫了五六分鐘，才依依不捨面對現實散場；而丁子高、何超蓮、何超雲、蘇志威等亦有來支持。
