陳展鵬演技爆發 癲到眼珠不對稱
香港文匯報訊（記者 梁靜儀）無綫台慶劇《超能使者》在前晚一集，阿鏈（陳展鵬飾）和人設大變的太太淑敏（劉佩玥 Moon 飾）身世終於曝光，劇風更由一貫的輕鬆搞笑、溫情感動變為「驚慄懸疑」。
展鵬再現「視帝級演技」，劇情講述精神錯亂的阿鏈因一時見到愛妻賢淑模樣、一時又發現全家一秒消失，不斷受刺激的他頓時失控大叫，連兩隻眼珠方向都不能同步對稱；之後「目擊」老婆與情夫床上纏綿，阿鏈又嬲到擸刀兼雙眼紅筋盡現。談到演繹「阿鏈」一角壓力大，展鵬坦言從未試過拍戲拍到崩潰要「逃走」：「有幾場戲我拍完係要走出去，好似有密室恐懼咁，直頭演到唔舒服想嘔。記得擸刀嗰場，我要唞一個鐘先可以返去繼續拍，好感激同事體諒。嗰段時間都影響到生活，不嬲我條『污水渠』幾暢通，平時收工情緒都OK，但演呢個角色就塞塞哋、抽離唔到，拍思覺失調嗰幾日返去係瞓唔到。」由於角色情緒極端，最大難度是拍完失常戲後，又即要轉換心情拍搞笑戲，故認為《超能》是其從演以來花最多心力拍攝的劇集。
對於近日全城競猜誰是Final Boss，有網民估貪錢的阿鏈最終會「變節」，展鵬笑道：「一個人去到咁偏鋒就咩都有可能，嚟緊阿鏈經歷谷底後仲會有個大逆轉！」
