「阿寶」黑化 「變臉」考演技
香港文匯報訊（記者 梁靜儀）無綫台慶劇《美麗戰場》明晚大結局，陳山聰與陳瀅決裂戲鬥爆Seed，網民嗌爽。特別是相關場口戲內戲外節奏均相當明快，除了採用兩部攝影機一Shot落拍攝，原來只消半小時便拍畢整場戲。監製兼導演葉念琛透露：「嗰日我哋一日拍咗好多場戲，呢場戲喺尾段時間拍，因為演員都好進入狀態，我哋好快拍完，大概半個鐘度，山聰同阿瀅只係排咗一次走位就Roll機，兩Take已經搞掂。」葉念琛又指與山聰及阿瀅合作很愉快：「佢哋好似跳緊探戈咁，默契同配合度非常之高。」
昨晚家寶黑化之謎亦終告解開，被一言Sir逼到埋牆的家寶，欲到前度家明（張馳豪飾）經營的餐廳散心，豈料在「老地方」碰到舊情人與好友小美（陳曉華飾）言談甚歡，原想與家明傾訴的家寶頓時冷了一張臉兼木無表情離開，表情變化之大甚考演技。備受打擊的家寶，反客為主「狙擊」一言Sir，與好姊妹靜兒「設局」公開一言患腦退化消息，其間更向有所猶豫對錯的靜兒徐徐吐出：「係你教我㗎嘛，做人唔可以心軟」，配以逐漸變冷表情，煞是心寒。終極黑化的阿寶事後刻意走上Office「欣賞」一言Sir「暴走」，似笑非笑地拿着雜誌句句衝着一言Sir：「你冇事呀嘛？」、「你做咩睇醫生呀？邊度唔舒服？」眉宇間盡是嘲諷，葉念琛又預告家寶將比琪琪更加奸。
