險被唐詩詠踢中要害緊張 陳展鵬：我仲想生多個
香港文匯報訊（記者 梁靜儀）陳展鵬、唐詩詠、陳山聰、劉穎鏇、劉佩玥及林子善等，昨日到荃灣出席台慶劇《超能使者》「使命必達」宣傳活動，玩遊戲時詩詠要用腳踢展鵬，展鵬險被擊中要害，即時大叫詩詠要睇住踢，他還想要多個BB。
陳展鵬早前返內地拍劇，離港4個月，昨日現身出席新劇宣傳活動，獲一班粉絲撐場，他表示今次在內地逗留的時間頗長，都很掛念香港，幸好太太及女兒都有同行，並去了不少地方玩。他說：「之前喺香港，因為工作關係比較少時間陪個女，反而今次對住個女時間比較長，覺得佢真係大個咗。」他又大讚太太此行在沒有工人姐姐同行，都能一手一腳顧好女兒，十分稱職，笑言要加她人工，全部錢入落她的戶口。說到玩遊戲時，他險些被詩詠踢中要害，即緊張得表示自己還想生多個，問到他是否有生B計劃？展鵬也不否認說：「我哋仲後生，其實個女都話要多個BB，仲話如果我哋唔生就自己生，我聽到都嚇一跳。」
劉穎鏇看泳衣宣傳片感尷尬
已約滿無綫的唐詩詠，表示之後時間許可的話，都會再出席宣傳活動，而她還有另一套劇《隱形戰隊》未推出，如果搵她宣傳都會幫手。
剛由日本返港的詩詠，早前在社交網分享泳裝照片，她承認回復自由身心情舒暢，但只限肚兜款式泳衣，不夠膽像劉穎鏇般着三點式泳衣在沙灘奔跑。說到她近期頻頻相約好姊妹黃翠如聚會，詩詠笑稱其實她是幫蕭正楠睇住個老婆：「阿蕭又唔喺香港咁耐，翠如成日都約我，我要諗去邊，又要諗節目，好似湊女咁。」
離巢後詩詠透露稍後會參與舞台劇劇本創作，問到她是否向才女方面發展？詩詠謂不敢當：「自己冇能力寫一個舞台劇劇本，都係寫個構思再交畀甄詠蓓，我唔敢認係才女。」
連續兩套台慶劇都有份演出的陳山聰，預告今次的演出對他來說是個突破，今次會走可愛路線，劇中他飾演新移民，為了練習口音，開拍前更花了三四個月準備：「監製文偉鴻畀咗好多功課我，除咗打戲，又預先畀時間我練唔鹹唔淡嘅口音，佢叫我去食米線，去學啲阿姐講嘢口音，都食咗幾個月米線，我好多謝太太，嗰段時間佢都用番嗰個Tone同我講嘢。」
劇中與山聰有感情線的劉穎鏇（Tiffany），指當初二人演對手戲時，還以為山聰在玩，更令她忍不住笑而NG。Tiffany在宣片中被喻為「最強Body」，穿上三點式的她於沙灘奔跑，她指看到熒幕播出她的宣傳片時也感尷尬，而今次應該是選姐之後第一次着泳衣。
她又指今次的角色十分有挑戰性：「我個角色名叫Open姐，性格13點，又主動，成日都好Hyper（亢奮），同平時嘅我完全唔同，雖然好多時只係講對白，但每次拍完一場戲都好攰，因為實在太用力。」
山聰又透露與Tiffany在戲中有多場咀戲，又會肉帛相見，拍攝時都不敢直望對方。說到他今年大有機會問鼎視帝，山聰就笑說：「表格都未有，到時入咗5強先再問啦！」
