不過問劉愷威感情 劉丹相信兒子會理智選擇
香港文匯報訊（記者 梁靜儀）劉丹（丹爺）、羅樂林及林凱恩等，昨日聯同一眾無綫處境劇《愛·回家之開心速遞》演員出席「萬聖變裝派對」宣傳活動，適逢今日是羅樂林的74歲生日，劇組送上生日蛋糕慶祝外，劇中「女兒」林淑敏更送上Birthday Kiss。
壽星羅樂林表示很難得今年生日不用開工，會與女兒簡單吃飯，聊聊天慶祝，生日願望是希望大家身體健康。
至於丹爺表示萬聖節都會為孫女「小糯米」打扮，但這個重任交由嫲嫲負責。他慨嘆孫女轉眼已就讀3年級，大得快，讀書成績都不錯，最近參加鋼琴比賽更贏得亞軍。問到他可有留意兒子劉愷威近日在內地被拍到，與疑似已婚內地女演員尤靖茹拍拖散步的報道？丹爺稱從不過問兒子的戀情，而且兒子已經否認了，他說：「咁大個仔，感情方面由得佢自由發展，（可想兒子身邊有個伴照顧？）當然想，但佢行邊條路發展，我由得佢，以前個仔有女朋友都會同我講，但今次冇，即唔係真。」丹爺又稱只要兒子喜歡，他就一定喜歡，亦毋須給他過目，但就要同孫女夾得來，他說：「個仔大個人會理智識選擇 ，我從來唔擔心，（贊成兒子再婚？）佢要（結），我有咩理由反對？作為父母，最緊要見到仔女開心，自己就開心。」
林凱恩否認被飛出《愛·回家》
林凱恩近日傳出因扭計不續約，被無綫流放主持《流行都市》，對此她說：「大家仲喺電視見到我，暫時未消失住，一直有拍其他，我仲喺《愛·回家》，冇調去《流行都市》，只係同時試吓其他工作。」她又否認扭計不續約，稱與公司合作開心，也有傾續約。她亦表示：「Bonnie（劇中角色名）唔可以成日都係小朋友或者做別人的女兒，要感受一吓大人世界，我當然希望拍多啲劇，但其他工作也可發掘我唔同一面。」
