承認做美容療程 李靜儀不覺身材有變
香港文匯報訊（記者 梁靜儀）李靜儀（Heidi）與衛詩雅（Michelle）昨日以性感打扮到尖沙咀出席頒獎禮活動，Heidi對於被網民指樣貌及身材有變， 她承認可能與做美容療程有關，又笑言上圍依然是偏小。
Heidi最近被網民指身材再發育，樣貌亦不同了，更指見到她的相片好驚，她叫大家不用驚：「係咪話我靚女咗？可能長頭髮，加上我做緊美容療程緊緻咗；身材方面我一向都係咁，可能影相角度問題，睇落覺得有啲唔同，網民話見到張相好驚，其實好小事， 大家唔使驚。」
談到工作方面，Heidi表示剛完成與葛民輝及張天賦（MC）合作的校園喜劇《夜校》拍攝，稍後又會拍攝一部動作片，為此正學功夫，她說：「我學緊一招騎上個男人身上，然後用鉸剪腳撻低佢，之前拍戲都有學過但用唔着 ，其實本身都好想學功夫防狼，（畀男人鹹濕過？）都驚嘅。」
衛詩雅搬屋開支大
同場的衛詩雅不時抽起低胸裙，她解釋因忙於搬屋，加上本身亦有刻意減肥，所以個人瘦了，她說：「開工前我通常都會刻意減磅，因為開工嘅時候食好多嘢容易肥。」她又苦笑謂最近花錢多了，單是搬屋已花掉五位數，豈料出席活動前又不慎跌爛了手機，工作完後即要去買一部新的，因此要努力工作。她又透露手頭上有三個劇本，分別是角色沉重、喜劇和驚慄片，她愛拍她希望拍喜劇，覺得令人發笑亦是一種福份。
