一晚連食兩巴 網民嗌好 蔣家旻：要鬧就鬧葉念琛
香港文匯報訊（記者 梁靜儀）蔣家旻在《美麗戰場》中飾演由頭奸到尾的琪琪（蔣家旻飾），對於「反骨琪」一晚連食兩巴，不少網民坦言大快人心，直指應該打多幾巴。亦有網民因看到被摑後的琪琪目露兇光，兼在預告中見到琪琪看着傻強被打時露出冷笑，眾人都為傻強安危擔心。飾演傻強的董敬文入行 8 年，今次飾演傻強獲得不少發揮機會。
家旻對於角色連續三日遭鬧爆兼人人喊打，直認 Inbox被炸，更在IG 留言兼預告行動升級：「今晚嗰兩巴掌大快人心啦？短短3日，我收到好多Message仲有留言……沒有最賤，只有更賤，聽晚行動升級。」
雖然被鬧但帶給她很大滿足感，她說：「好開心頭三集就有呢個Noise（回響），初初我以為大家要睇到第五集先覺得我好衰，我收到好多留言話：『你衰到我想打爆部電視機』。」
她又搞笑指葉念琛才是Big Boss：「求求你哋唔好鬧我，要鬧就鬧葉念琛，角色成功全靠葉念琛寫出精彩對白。」她又爆在劇集開拍前被葉念琛再三叮囑要與陳瀅、陳曉華及劉佩玥劃清界線：「導演話我唔可以同其他女仔咁Friend，其實我都同佢哋唔會傾到太多偈，因為我每場戲都要用好多能量去鬧人同憎人，要自己匿埋一邊培養情緒。」
