海俊傑北上拍古裝喜劇
香港文匯報訊（記者 文芬）近年不少香港藝人北上發展，海俊傑（海仔）早前亦都到了橫店接拍古裝劇《狀王之王》，接近20年無拍古裝劇的海仔表示：「今次拍呢套係古裝喜劇都幾有挑戰性，一來好耐冇拍過古裝劇仲要係搞笑嘅劇，而且有好一段日子冇返內地商演都擔心大家會唔記得咗我，好在趁着喺拍劇前有時間我就將我首新歌《平行時空》喺內地派台做宣傳，宣傳期間發現仲有好多市民記得我，好感動。」
他續稱：「幸運地今次北上亦都接咗幾個演出同商演，感恩嘅係觀眾們都好熱情，希望拍完劇之後可以留多一段時間再唱多啲歌畀大家聽。」
講到今次拍古裝劇有什麼期望，海仔就話：「今次拍呢套劇係古裝嘅喜劇，我都比較少拍喜劇希望今次可以帶畀觀眾一個唔同嘅感覺。」他又表示：「今次因為要拍呢套劇時間都頗長，感恩有老闆同老婆支持，令我可以無後顧之憂專心拍劇。仲有今次係要拍清裝劇，所以要剃部分頭髮再戴假髮，開頭都有少少緊張，點知剪完出嚟個效果好好，仲好有前衛感大受好評，真係喜出望外，希望套戲出街都大受好評。」
