草蜢演唱會海報大玩剪影效果
香港文匯報訊（記者 林子棠）草蜢相隔5年再踏紅館，10月舉行一連4場《RE: GRASSHOPPER CONCERT 草蜢演唱會2022》，宣傳海報昨日曝光。三位成員蔡一智、智一傑和蘇志威更聽從設計總監朱祖兒的意見，顛覆過往起用3人大頭靚仔樣的傳統，轉為用剪影般的映像製作海報。
阿智表示：「我哋與朱祖兒合作無間，他說一提到『草蜢』，個腦就會Recall好多舞台表演、跳舞、唱歌嘅畫面，唔使真係見到我哋個樣，所以今次用呢個手法就係保留思考空間。我覺得海報好有神秘感，見到少少，好似新娘頭紗，重點是草蜢的神髓；許多粉絲都讚特別，所以我哋諗住演唱會期間，搞個PopUp Store，除咗設計不同紀念品，仲會整大型紙牌海報畀粉絲影相留念，希望帶畀大家快樂嘅回憶。」傑仔補充：「其實細心留意係見到少少，只係唔係咁清楚。」蘇志威就笑謂：「今次要摒棄我個靚仔樣。」阿智笑指草蜢Fit咗又靚仔咗，全因這幾年沒有開騷，勤做運動。
