特寫：「放手會一齊跌落去！」警消防拚死救人
「如果唔係有消防員幫我，我分分鐘同個女人一齊跌落去！」在昨晨深水埗虐兒命案現場，衝到窗邊捉住企跳孕婦的西九龍衝鋒隊警員阿聰說：「個消防員都好辛苦，我同佢一人一邊，好似燒鵝髀咁捉住個女人，佢兩隻腳垂低晒，離開晒簷篷。消防同我捉住佢，放手就會跌落去，最慘地方所限，其他人幫唔到手，大家又有手汗，個女人又有少少掙扎，情況驚險。好彩有其他消防頂住我哋。最後消防升雲梯上嚟，救咗個女人。」
根據網民拍到驚險救人片段，姓黎孕婦當時身體已經「半躺」跌出窗外，全靠兩名「救星」奮力，才避免了「一屍兩命」的另一個悲劇。據了解，兩名救人主角是西九龍衝鋒隊姓王警員及消防處姓李消防員。
人稱阿聰的衝鋒警，當差13年，現駐守西九龍衝鋒隊第三隊。昨日凌晨，阿聰出便裝更，和同袍接報到場時已見女事主站在簷篷外，「佢成個人離開咗簷篷位，消防好快捉住佢。我哋到咗樓上，間劏房鎖住咗，要十幾秒先爆開 ，聽到消防員大聲叫個女人唔好（放手）。我哋見到床上有個小朋友，我第一個衝到窗邊探出半個身望見個女人，佢當時好衝動，似想輕生。」
阿聰和消防員各自騎着窗邊，兩邊夾擊緊緊捉住不斷掙扎的黎婦。黎婦一度「半天吊」，雙方角力近10分鐘，至消防雲梯升近，在消防員的支援下，終將黎婦安全救下。阿聰說：「我以前見過企跳，但只係support同事，做箭頭係第一次，我想話畀市民知，見到有呢啲事，若第一時間阻止到最好，否則都要確保自己的安全，如果唔係後面有人幫我，我分分鐘同個女人一齊跌落去，大家要量力而為。」
有關的救人片段在網上流傳後，不少網民讚揚兩人的英勇行為。
