蘇麗珊當眾換衫變裝 林曉峰發揮長跑專長
香港文匯報訊（記者 梁靜儀）蘇麗珊第一日開工拍電影《失衡凶間》其中一個故事「死場」，就要在眾目睽睽下換衫感尷尬，林曉峰（阿Lo）則發揮長跑專長，跑勻整個商場。
阿Lo和蘇麗珊在戲中分別化身KOL，一個聘請臨記扮顧客宣傳商場，一個踢爆商場鬧鬼。深夜時分人去樓空，阿Lo疑似被鬼追，「探靈KOL」蘇麗珊隨後追上直播，在商場喪跑展開追逐戰。
跑到㷫烚烚的阿Lo形容有如跑馬拉松說：「跑勻整個商場，半個馬拉松，我哋喺商場喪跑，不過對鞋好跣，所以只係上半身扮到好似跑得好快，但對腳其實係急步行，好驚跣低。」今次不單發揮阿Lo長跑專長，還充分發揮他好口才一面，他飾演口才了得的KOL，自導自演商場人流旺盛場面，一講就幾頁紙對白，蘇麗珊亦拍晒手掌。
戲中蘇麗珊一改過往乖乖女形象，戴白色假髮還在眾目睽睽下換衫變裝，她說：「第一場戲就係我嘅出場戲，我要喺短時間內除帽、除口罩、除衫，仲要摺好放返入背囊，然後攞出攝影機、開燈、自拍，眼看同場其他群眾演員，個個望住我等我做晒呢一連串動作，再講對白。我心情真係好緊張，因為拍攝時間好緊湊，好怕做漏嘢連累大家重頭嚟過NG累街坊，好大壓力，感謝剪接師幫忙。」順利完成的她又說：「估唔到第一日開工就對住咁多人除衫，真係有啲尷尬！」
