酒樓晚巿跌三成 中秋乏人訂枱
香港文匯報訊（記者 文森）香港特區政府因應新冠肺炎確診數字急升，今日起規定多於8人的聚餐人士要先進行快測，呈陰性才能進入餐飲業處所。有酒樓負責人表示新防疫安排未有影響中秋節的生意，因為過去兩周疫情反彈下，晚巿生意已下挫三成，中秋當晚原來已乏人訂枱，「擔心中招的巿民不會到酒樓用膳，要聚餐的也不會介意進行快測。」他認為未來若疫情回穩，要放寬宴會人數上限，中式酒樓生意才有望復甦。
旺角倫敦大酒樓副總經理蘇萬誠昨日接受香港文匯報訪問時表示，中秋是其中一個傳統大節日，以往中秋當晚的晚巿爆滿，除不少巿民訂枱晚飯團聚外，一些團體會搞老人宴及團圓宴等，但「相繼出現社會事件及疫情後，生意大不如前」，晚巿巿道愈趨低落，今年中秋正日沒有客人訂枱，「好多客人約埋一齊有興趣食晚飯，先即興向酒樓攞枱，唔會預早訂枱。」
他表示，其酒樓有3層，平日晚上只開放面積最小的一層，也只坐得一半的客人，而近日確診數字飆升，更令不少食客卻步，「有啲客真係擔心疫情，少咗出嚟食飯，（酒樓）早巿同午巿近兩個禮拜少咗5%至10%生意，有啲日間要返工唔想買飯返辦公室食，都會上酒樓，但晚巿生意額就少咗30%。」
8人聚餐快測料影響有限
蘇萬誠指出，即使今日起多於8人聚餐要先做快測，相信影響有限，「出嚟酒樓食嘢嘅客都唔介意『撩鼻哥』（做快測），雖然酒樓員工做多啲工夫，要睇客人影嘅相確認陰性結果，但都唔係大問題。」
他說，大型酒樓與其他食肆不同，晚巿一枱有較多食客，且宴會帶來收益，惟現時宴會人數上限只有120人，「好多婚宴等都做唔到，就算放寬營業時間到通宵，唔放寬人數限制都無用。」
