高海寧張振朗拍親熱戲笑場NG
香港文匯報訊（記者 梁靜儀）高海寧、張振朗、陳展鵬、糖妹（黃山怡）、胡楓、袁文傑、楊卓娜、吳家樂等演出的《童時愛上你》進入結局周，劇情愈趨緊湊，雷紫彤（高海寧飾）做完腦部手術後，失去了與丁宥迎Ding哥（張振朗飾）的甜蜜回憶，變回態度強硬的Amanda，「丁紫CP」隨時凍過水！
前晚講到Amanda設局陷害Raymond（袁文傑飾），將Raymond搞私幫生意一事告知雷董（胡楓飾），過程被Rock（吳家樂飾）暗中拍下。Ding哥看過影片後大感失望，怒斥Amanda謂：「我喺你對眼裏面已經見唔到彤彤，我同彤彤講過一個關於狗同狼嘅故仔，我好肯定?家望住嗰個Amanda係一隻狼！」最後Ding哥將Amanda的相片撒在地下並用力踐踏，「丁紫CP」隨時凍過水！
首次飾演情侶的高海寧（高Ling）與張振朗，劇中互動場口甜蜜爆燈，高Ling透露與振朗合拍皆因二人同是戲癡：「我同佢都係靠感受演戲多啲，喺現場會順應住個感覺去拍，所以覺得好有火花。」高Ling又大讚振朗有幽默感及喜劇節奏：「每日都有好多趣事發生，我哋大家笑點都低、成日忍唔到笑，只要其中一個頂唔順，就要休息5分鐘冷靜吓！」
另外，劇組日前釋出高Ling與振朗親熱戲NG片，其中一場振朗主動送上「肉嘴」，高Ling以手指撳住振朗的嘴，振朗則順勢捉着高Ling手指錫下去，雖然演得自然，但振朗「臨尾香」大嗌：「好難接落去呀！」另一場辦公室親熱戲，二人雖然拍攝時甜蜜指數爆錶，但最後都是忍不住爆笑NG收場。
