梁雨恩一首歌救人一命
香港文匯報訊（記者 梁靜儀）J2台節目《喂喂喂 你話你係邊個邊個》，前晚邀請由歌手轉做職業飛鏢運動員的梁雨恩（Cathy）做嘉賓。
Cathy在2007年以歌手身份登場，更曾贏得叱咤樂壇女新力軍銅獎，但之後在樂壇發展平平，2015年同唱片公司有合約糾紛，同年卻贏得全港比賽女子飛鏢冠軍，之後代表香港參加世界盃飛鏢比賽，更贏得世界冠軍，於是把心一橫轉工，做全職飛鏢手︰「一度門閂咗，嗰天都留番一線窗畀你。」她稱當歌手，在生活同職業自己都不可以掌握︰「好似工作方向、上台着乜嘢衫都冇得話事。至少掟鏢我可以掌握到支鏢飛嘅方向同策略。」
不過有一件事令Cathy無悔做過歌手，她說︰「歌手成績理唔理想，睇你用邊把尺去度啦。用獎項角度去睇，真係好似冇乜獎，不過喺歌手階段，我都achieve（成就）到啲嘢，覺得好有價值。」Cathy表示有日收到封電郵，原來有位男士原來打算揸車踩油撞石壆了結生命，剛巧電台播她的歌，當他聽完之後，個人平靜下來，亦打消自殺念頭，而幾個月前在車展她見到這位男士在揀車，還介紹身邊的女伴給她認識，她笑說︰「嗰刻好感觸，如果用呢把尺度，可能唱歌成功過掟鏢。」
節目中Cathy又以戀愛形容掟鏢，她笑說︰「同掟鏢可以話係一見鍾情嘅戀愛，第一次就玩足6到8個鐘，第二日就算手痛都要玩，之後進入穩定戀愛期，拎起套鏢就廢寢忘餐。」
